ng mga salitang titindig sa mundo ng araw-araw
upang kapitan, hawakan, maramdaman
ng mga matang naghahanap ng pangarap sa maulap na langit
mga matang nagtatanong
"kaya ko ba?"
"kaya pa ba?"
ng mga labing humahabol sa dampi ng pag-asa
ng mga hukot na likurang pasan ang 'sang libong
daigdig ng pag-ibig, pamilya, karera
ng mga kamay na kumakapa ng init ng yakap
na humihingi ng akbay, saklolo, ng ilang salita ng pangako.
hindi kaya ng aking braso ang bigat ng pag-salo.
bagsak din ako gaya mo.
kaya hayaan mo akong tumulong sa paraang alam ko.
kaibiga, ito ang ilang berso para sa 'yo.
No comments:
Post a Comment